Hizkuntza da pertsonok munduarekin dugun harremanaren oinarrietako bat. Hitzek errealitatea izendatzeko aukera ematen digute, baina baita pentsamendua antolatzeko, emozioak adierazteko eta besteekin harremanak eraikitzeko ere. Hiztegi zabala izateak ez du esan nahi hitzak ezagutzea bakarrik, baizik eta hitz horiek modu azkar eta eraginkorrean eskuragarri izatea, behar diren unean burura etor daitezen. Premisa horretatik sortu da 3000 hitz proiektua, hizkuntza-estimulazioa ardatz duen egitasmo pedagogikoa.